Cymdeithas Meddalwedd Cymraeg

Sefydlwyd Cymdeithas Meddalwedd Cymraeg yn sgil datblygiadau cyffrous ym myd technoleg gwybodaeth â’r Gymraeg.

Prif nod y Gymdeithas yw dwyn i sylw’r cyhoedd a defnyddwyr waith y gymuned technoleg gwybodaeth Gymraeg a dathlu ei llwyddiannau.

Mae hi'n dwyn ynghyd y sawl sy’n ymwneud â thechnoleg gwybodaeth yn y Gymraeg o’r sectorau preifat, cyhoeddus a gwirfoddol, gan gynnwys technoleg cod agored a chod caeedig fel ei gilydd.

Yn hyn o beth bydd yn annog :

• y defnydd o'r Gymraeg ym mhob amgylchedd technoleg gwybodaeth bosib.
• datblygu meddalwedd a thechnoleg iaith Cymraeg
• cyfieithu ac addasu meddalwedd safonol i'r Gymraeg
• cynhyrchu cynnwys o safon yn y Gymraeg
• creu deunydd hyfforddi a chyrsiau dysgu technoleg gwybodaeth yn y Gymraeg

Mae'r Gymdeithas yn agored i unigolion a sefydliadau sy'n rhannu'r amcanion hyn ac yn barod i weithredu i'w gwireddu

Lansiwyd CMC yn swyddogol gan y Cynghorydd Dafydd Iwan yn Eisteddfod Genedlaethol Eryri a'r Cyffiniau, 2005. Dymuna CMC ddiolch i Gyngor Gwynedd am noddi stondin CMC yn yr Eisteddfod honno.

 

hawlfraint ©2006 Cymdeithas Meddalwedd Cymraeg